O 26-D, GALIZA SEGUERÁ NO CAMPO E NA RUA

Ambiciosa jornada pola oficializaçom das nosas selecçons o día 26 de Dezembro em Compostela: Manifestaçom, jogo e concerto.

Nova cita no calendário paratod@s @s galeg@s que queiram apoiar as nossas selecçons nacionais. Siareir@s Galeg@s prepara-vos um dia lotado de actividades. O Sábado 26 de dezembro as ruas de Compostela, o estádio de Santa Isabel e a sala Capitol acolherám as actividades do nosso colectivo.

O próximo 26 de Dezembro Compostela acolherá umha nova jornada em que se evidenciará a enorme fortaleza do movimento em defesa das selecçons nacionais. Igual que acontecera em 2005 em Compostela, em 2006 e 2008 na Corunha e 2007 em Vigo, Siareir@sGaleg@s estará nas ruas e desta volta tambem organizará o jogo da selecçom de futebol. Esperamos que esta seja umha grande mobilizaçom nacional em defesa do nosso direito a ter selecçons nacionais.
As actividades realizadas todos estes anos nom podem ficar no esquecemento por nom contar com apoio institucional. Somos um povo luitador que temos capacidade para nos auto-organizar, que nom vamos permitir que nos quitem o nosso e por isso temos que estar todos e todas juntas este ano com mais força que nunca.
O dia 26 espera-nos umha jornada de festa e reivindicaçom em que berraremos bem forte que somos umha naçom, que temos direito a ter selecçons desportivas e que reclamamos a oficialidade.
MANIFESTAÇOM: Às 17 horas manifestaçom desde o passeio da alameda para exigir o direito da Galiza a ter selecçons e competir a nível internacional. Depois de percorrer as ruas compostelas a manifestaçom concluirá no campo de Santa Isabel.
JOGO DE GALIZA: Siareir@s Galeg@s como já sabedes asumiu a organizaçom do evento, a nossa selecçom nacional jogará contra um combinado internacional. Pola Galiza participarám jogadores de diversas categorias. Nos próximos dias confirmaremos os jogadores incluídos nesta convocatória que defenderám a nossa camisola, assim como o quadro técnico do mesmo. Mas já che adiantamos que haberá importantes surpresas.
CONCERTO: Para pôr o final à jornada cheia de actividades o nosso colectivo vai organizar um concerto ao final do jogo de Santa Isabel em Compostela. O concerto contará com a actuaçom de três grandes grupos, dous galegos, Machina e Mencer Vermelho, e a actuaçom de Habeas Corpus que de seguro alongarám a jornada festiva até altas horas da madrugada. Os bilhetes custarám 8 € em antecipada (Compostela: Gong e Gentalha; Vigo: Tipo e Revolta; Corunha: Portobello; Trasancos: Artabria; Pontevedra: Tipo; Ourense: Esmorga) e 12 € na bilheteira.
Nesta jornada também contaremos com a participaçom da Liga Nacional de Bilharda que desputará o II Aberto da bilhardaautêntica no campo de futebol do parque de Belvis às 12h00.
Desde Siareir@s Galeg@s chamamos a todos e todas as galegas a passar umha jornada reivindicativa e festiva, participando das diferentes actividades do Sábado 26 em Compostela, onde poderemos demostrar a nossa forza como povo. A venda de cartons vai a bo ritmo, assim que se nom queres quedar sem a tua camisola recolheo nos pontos indicados na nova previa.
O 26 contamos contigo, acude e difunde a nossa convocatória alá onde podas.

Programa:

Sábado, 26 de Dezembro

Selecçons nacionais. Direito popular

- 17h00 sairá do passeio da Alameda umha manifestaçom sob a legenda “Selecçons nacionais. Direito popular” que percorrerá as diferentes ruas da cidade de Compostela com final no campo de Santa Isabel.

- 19h00 Jogo da Galiza.

- 21h30, e com máxima pontualidade, concerto na Sala Capitol:

MACHINA

MENCER VERMELHO

HABEAS CORPUS

CD LUGO 1-0 ATHLETIC B

BARAKALDO 0-1 CD LUGO

Triunfo por 0-1 do Lugo ante o Barakaldo. O gol chegou tras un polémico penalti a Tornero que mais tarde transformaría Cristobal. Esta vitoria sitúa ao Lugo no terceiro posto a tan so 4 puntos do lider, o Eibar.

12 DE DECEMBRO, XORNADAS POLA SELECCION GALEGA

Xornadas pola Selección Galega no CS Madia Leva! (Rúa Amor Meilán 18, Lugo):

16:00 Proxección DVD Siareir@s Galeg@s, 1996-2006 10 Anos Luitando Por Galiza.
17:00 Torneo de Futbolín, (inscripción 10 euros por parella e cervexa de balde)
Ao rematar o torneo concentración pola Selección Galega na Praza de Armañá.
E pola noite velada punk a cargo do cantautor de Fene, BITXO BOLA.

CD LUGO 3-0 SD EIBAR

Importantisima vitoria ante o lider da Segunda B que nos coloca no cuarto posto, con 26 puntos.
Conseguir a tan ansiada fase de ascenso pode ser unha realidade, equipo non nos falta.
FORZA LUGO!!

NON Á ORDENANZA CÍVICA

OSASUNA B 1-1 CD LUGO