Quique Setién continuará polo menos unha tempada máis como adestrador do CD Lugo, esta vez en Segunda División.
A continuidade do técnico cántabro
xa se deu por feita pola mañá, aínda que o club non a confirmou oficialmente ata pouco antes das sete da tarde deste martes. Así circulou polas redes sociais, nun rumor recollido incluso pola conta de
El Progreso en Twitter. No entanto, Setién, que estes días está
a dirixir un campus en Santander, emprazaba a esperar á comunicación oficial de Carlos Mouriz, director deportivo do CD Lugo.
O anuncio oficial fíxose público pouco antes das sete da tarde. A concisa nota di exactamente:
"A afección lucense está de parabén, o adestrador cántabro, Quique
Setién, acaba de confirmar a súa continuidade como adestrador do Club
Deportivo Lugo na súa estrea na liga Adiante".
O comunicado non aclara a duración do novo contrato, aínda que se especula con que
Setién asinará por un ano.
Ésta será a
cuarta tempada de Setién no equipo lucense.
Na primeira o CD Lugo terminou sétimo e nas dúas últimas levou ao
equipo á fase de ascenso a Segunda, logro conseguido o pasado 24 de xuño
en Cádiz.
O CD Lugo iniciará a pretemporada o luns 16 de xullo.
03/07/2012 -
El Progreso Digital
