CD LUGO 2-2 Oviedo

Imaxes da bancada durante o partido (cedidas por Lugoslavia) e da barrilada/previa.
Forza Lugo!

SORTEO DO XV ANIVERSARIO DE BRIGADAS LUCENSES

Seguimos celebrando o aniversario de B*L .

Alén doutras actividades que se farán lanzamos o sorteo dunha camisola do Lugo (versión da cervexa) asinada por todo o plantel do CD Lugo desta segunda volta da tempada 2015-16, así como un lote do material conmemorativo do XV aniversario que se irá facendo ao longo do que resta de tempada. Xa están dispoñíbeis as rifas que se poderán adquirir desde o sábado 23 na barrilada, na nosa bancada nos descansos dos partidos como locais ou nas previas dos mesmos.
O prezo de cada rifa é de só 1 €

Deixamos a continuación unhas pequenas "bases" do procedemento que se seguirá para escoller gañador/a:

-Como pon nas rifas, o número gañador será o que coincida coas tres últimas cifras do número premiado do sorteo da ONCE do día 20-5-2016 (sexta feira), que será publicado nas nosas redes sociais así que acabe o sorteo

-Editáronse rifas que abranguen dende o número 000 até o 999

-A persoa que teña o número premiado terá un prazo de 7 DÍAS para pórse en contacto con nós a través do e-mail ou redes sociais para podermos entregarlle o premio

-Se o día 27 de maio ás 23:59 non recibimos novas da persoa gañadora, o premio será para a persoa  que máis se achegue ao número premiado (sen superar a cifra), que terá outro prazo de 7 DÍAS para pórse en contacto con nós a través do e-mail ou das redes sociais e entregarlle o lote de premios.

-No caso de que non se distribúan todas as rifas editadas, o procedemento para escoller gañador será o mesmo que o exposto no punto de arriba (o número que máis se achegue sen pasarse) e disporán tamén dunha semana de prazo para reclamar o premio

Recomendamos que as persoas que adquiran participacións no sorteo estexan atentas eses días ás nosas redes para saberen o número premiado.

Agardamos a vosa participación no sorteo. Moita sorte aos participantes e FORZA LUGO!

BARRILADA POPULAR

Este ano Brigadas Lucenses fai XV anos no fondo norte do Anxo Carro.
Para comezarmos a celebralo, o SÁBADO 23 DE XANEIRO faráse unha barrilada na Cervexaría O Garçon polo prezo de 5€ (barra libre de cervexa + petiscos)
ACHEGÁDEVOS!
Forza Lugo!

CD LUGO 1-1 SD Huesca

Imaxes da bancada durante o partido:

PD: Como xa viñamos denunciando na nosa adesión á manifestación do 24-J durante o partido un membro do grupo foi identificado e ameazado con multa polo simple feito de ter unha estelada no encontro.

[NOM TODO VAI SER FUTEBOL] 24-J a Compostela!

Nos últimos tempos estamos a viver na Galiza umha escalada tanto qualitativa como quantitativa da repressom contra indivíduos, coletivos, ou organizaçons que simpatizam ou que se quadram na esquerda independentista galega, nas ideias do antifascismo ou outras ideologias que nom agradam ao regime.

Prova disto forom no seu dia a Operaçom Castinheira contra a AMI, centos de multas à militáncia das diferentes organizaçons independentistas, juizos com petiçons de condeias de prisom a jovens e ao estudantado, a detençom, incomunicaçom e dispersom penitenciaria de independentistas, dos quais alguns ainda ficam presos a centos de quilómetros da terra… até chegar à mais recente “Operaçom” Jaro em que forom detidas 9 pessoas pertencentes a Causa Galiza, organizaçom que a Audiência Nacional pretende ILEGALIZAR sob as acusaçons que sempre utilizam para criminalizar o independentismo, que nom nomeamos por serem já de sobra conhecidas

Em Siareiros Lugo nom somos alheios a esta realidade que, ainda que nom foi com a mesma força que nos casos anteriormente citados, também nos tocou (e nos toca) viver. Multas, retençons, roubos de material (bandeiras da pátria, bufandas e bandeiras com lemas anti-repressivos...), proibiçom de bandeiras que reclamavam a repatriaçom dos presos e presas galegas sob ameaças de multa, ameaças de multa também por exibir faixas…

Conscientes da conculcaçom de direitos que isto conleva, e convencidos de que a melhor forma de fazer frente a isto é exercendo a solidariedade ativa com as pessoas que desta volta lhes tocou ser alvo dos esforços repressivos do estado, dende Siareiros Lugo somamo-nos às adesons da manifestaçom convocada para o vindouro 24 de janeiro na Alameda de Compostela em repulsa à ilegalizaçom a que se enfronta agora esta organizaçom e contra o processamento em tribunais de exceçom da militáncia detida em Outubro.

Animamos a participar da mesma!

Polos direitos civis e políticos para todas.

Nom à ilegalizaçom de organizaçons políticas!

-Siareiros Lugo 1953-

CD LUGO 2-3 Numancia

Imaxes da bancada durante o encontro.
Forza Lugo!