O CD Lugo segue líder tras unha vitoria merecida
O CD Lugo mantense líder tras imporse, por 3-1, a uns tenaz Montañeiros, que case a media hora do final igualou, por medio do seu capitán Rubén Rivera, un partido que se lle puxo moi pronto favorable ao equipo branquivermello, froito dun gol olímpico, ao transformar directamente Isma un córner que lanzou desde a banda dereita. Con todo, os de Setién tiveron que esperar aos últimos dez minutos para adiantarse de novo, por medio de Monti, ao rematar un córner lanzado tamén por Isma desde a dereita. O córner foi remachado por Quero, a falta dun minuto, a pase tamén dun inspirado Isma, principal artifice da vitoria, que se fraguou grazas a un espectacular gol seu e a dúas asistencias do dianteiro navarro.
Con esta vitoria, o CD Lugo, chega aos 30 puntos, ao final do primeiro terzo de Liga e mantense unha xornada máis no liderado e cos tres puntos de vantaxe que tiña sobre o seu inmediato perseguidor, o Real Madrid Castela, ao que visitarán os lucenses o vindeiro domingo ás 18,00 horas en Valdebebas. Pero, ademais, o Lugo aumenta 5 puntos sobre o Tenerife, que segue terceiro.
Relaxación tras o gol
O Lugo saíu moi decidido e marcou moi pronto, pero paradoxalmente tras o gol relaxouse bastante e dedicouse máis a manter o control do partido que a atacar, limitándose a crear perigo en lanzamentos a balón parado desde a esquina cando, pasada media hora, Isma volveu intentar marcar outro gol olímpico.
Tras o xerro de auga fría inicial, os Montañeiros, dirixido por un activo Iván Pérez, logra chegar esporadicamente con perigo á meta local, aínda que sen sorte, xa que primeiro Rubén Rivera é o que remata á media volta fóra por pouco. Logo, Iván pon a proba a Diego Rivas, que despexa a córner un disparo desde fóra da área do ex deportivista e máis tarde Ángel Luís centra raso e atalla Diego Rivas.
O gol os esperta
A segunda parte iníciase como acabou a primeira, cun Lugo un tanto apagado, que apenas chega á área rival e uns Montañeiros que buscou o empate, que xa tivo cerca, nunha defectuosa cesión de Garrido desde a dereita coa perna esquerda que estivo a piques de introducir en propia meta e saíu rozando a cepa do poste, o que foi o preámbulo do tanto do empate de Rubén Rivera, ao rematar un centro pechado de Dopico.
O gol visitante foi como un revulsivo para un Lugo que pareceu espertar tras o empate, pasando a dominar con intensidade na última media hora e crear as mellores ocasións, aínda que tardou en chegar o segundo gol, xa que antes fallou Iván un bo pase de Monti, no que se anticipou a defensa para desviar a córner. Logo, unha internada de Manu, que só ante Rafa tira pero a meta desvía a córner, volve sacar un bo remate de cabeza de Luismi. Os Montañeiros tamén tivo unha ocasión a pés de Rubén Rivera, tras roubarlle o balón a Garrido, centrou raso e o balón paseouse por diante da liña de gol sen atopar rematador.
No último cuarto de hora, o dominio foi irresistible por parte do Lugo cando, antes de marcar o segundo gol, Rafa atalla con apuros un centro de Quero. Tras o gol de Monti, é Moisés Pereiro o que pon a proba a Diego Rivas, que responde cunha gran parada a un bo disparo do ex ourensanista. Pero sería Quero o que resolveu o partido a pase de Isma a un minuto do final aínda que, no desconto, o rápido xogador avilesino caeu na área, reclamando con insistencia a pena máxima tanto os xogadores e o banco do Lugo, como a afección.
13/11/2011 -
Manuel Cordido/El Progreso (Lugo)Fotos da grada:
Seguindo co noso apartado de "non todo vai ser futbol", vos presentamos a No Surrender Gz,unha banda coruñesa de Punk rock,do mellor do pais.
