Brigadas Lucenses: 2013

22 de decembro de 2013

12 de decembro de 2013

Já passarom cinco anos desde o último amigável da seleçom galega organizado pola Junta da Galiza e cinco anos nos que o nosso colectivo da umha resposta contundente a isto. Siareir@s Galeg@s convoca mais um ano aos nossos jogadores e jogadoras no marco das nossas tradicionais jornadas de dezembro. Umha jornada que tenta deixar patente ano após ano que nós nom nos conformamos com um simbólico partido amigável se nom que aproveitamos este dia para sacar à rua a reivindicaçom da plena oficialidade das nossas seleçons.

O 28 de dezembro será entom, um día no que as galegas e galegos sairemos à rua polo nosso dereito à oficialidade e deixaremos bem claro qual é a nossa identidade e as cores que nos representam. É por isto que convocamos como cada ano umha manifestaçom nacional, que percorrerá as ruas de Lugo berrando polos dereitos do povo galego e as suas seleçons desportivas.

Como sempre, aproveitamos também para fazer umha jornada de convívio e solidariedade com outras naçons irmás, sendo esta vez o turno da Occitánia, que será o rival da nossa seleçom. Também teremos outras actividades desportivas e de lezer que faram desta umha jornada de luita activa: futebol gaélico, blilharda, concertos…

Deixamos-vos aquí a programaçom completa:

12:00. III Jornada da Liga Gallaecia de futebol gaélico. Suévia-Torques. Ambilokwoi-Cascarilha (Campo Municipal de Nadela).

14:00 Jantar popular.

16:00 Aberto de bilharda.

18:00 Manifestaçom nacional (saída desde a praça Maior).

20:00 Jogo Galiza-Occitânia (Campo do Polvorim).

22:30 Concertos. Nao, A Quenlla, Sem Resposta e Liska (Explanada de Rosalia de Castro).

Desde Siareir@s Galeg@s animamos a toda a gente que quere ver às nossa seleçons jogando nas competiçons oficiais a vir a Lugo o 28 de dezembro e participar desta jornada reivindicativa.

UMHA NAÇOM, UMHA SELECÇOM!

5 de decembro de 2013

CD LUGO 1-2 ALCORCON PROTESTA

DEPOR 0-0 CD LUGO

26 de novembro de 2013

COMUNICADO OFICIAL DE SIAREIROS LUGO

Dende Siareiros Lugo, colectivo de animación do CD Lugo, queremos anunciar, unha vez máis, o noso malestar polo xeito de actuar do clube. Nesta ocasión, o tema de debate está relacionado coa venda de entradas para o vindeiro partido, no que o noso equipo se mide ó Deportivo. Este, que debería ser o derbi de todos os galegos, mais vaise converter no derbi duns poucos. Todo coa complicidade das altas esferas desta Sociedade Anónima Deportiva, que amosa estar ben por debaixo dos xogadores e mailo corpo técnico. Grazas aos últimos o equipo é un orgullo para a nosa terra, por mor de certas actuacións dos primeiros, esta entidade convértese nun circo pouco cómico.
O sucedido hoxe é inadmisible para un equipo que pretende formar parte do fútbol profesional. Vaia por diante que este colectivo rexeita frontalmente a mercatinlización á que se ten sometido o balompé na actualidade. Fora desta impresión, o Lugo da un gran paso atrás coa malversación premeditada dos boletos que foron enviados polo conxunto coruñés. En termos de cifras: hoxe saían á venda unhas 800 entradas. Destas 400 levaban o prezo assignado de 20 euros, namentres que o resto custarían 30 euros. Das contas previstas só queda agora a intención.
Unha mañá de sorpesas
Diante da alta demanda, non foron poucos os que se ergueron ben cedo para dirixirse ás oficinas do Anxo Carro. Entre eles, algúns de nós, quen sobre as 6:00 A.M formamos parte dos primeiros postos da cola de espera. A sorpresa veu cando chegou o momento de retiralas susoditas entradas. Malia que só tiñan exercido o seu dereito de compra menos dunha decena de socios, membros da entidade albivermella comunicaron ós alí congregados que tan só quedaban seis ó prezo de 20 euros.
Fora de toda lóxica, o paquete enviado pola escadra herculina quedaría reducida a uns centos de entradas. Cedo comezou a facer efecto a rumoroloxía. Logo de varios minutos descóbrese, que polo menos 40 desas entradas foran reservadas por outra peña luguesa, dereito de reserva tamén exercido por un coñecido persoeiro mediático local. Isto quebrou toda a legalidade do proceso, deixando ben claro que o clube favorecera os intereses duns grupos, que, en moitos casos, nin sequera están conformados por socios.
A pinga que fixo botar por fora o vaso
Isto tennos que levar a unha fonda reflexión. Non debemos esquecer que este é o punto e seguido a un asunto que comezou revirado. Basta botar a vista uns días atrás para ver como o equipo rexeitou unha proposta chegada dende A Coruña na que ofrecía nun intercambio de 1800 entradas polo prezo de 18 €. Foi aí cando entrou en escena esa perversa figura que constitúe o xestor anónimo da bancada do fondo sur, unha zona do campo que se está a converter nunha mostra de clientelismo nunca antes vista.
Este é o último capítulo dunha serie de actuacións que levaron ó equipo a tomar decisións a contracorrente. Non esquezamos que mudaron o escudo histórico sen consultarlle ós socios. Os mesmos que se atoparon esta tempada suba por decreto dos carnets e coa desaparición dos descontos para nenos, estudantes, desempregados e xubilados.
Todo quedou esquecido grazas ó excelente rendemento deportivo do equipo, pero o vaso foise enchendo e hoxe botou por fora. Ó final, o que mal comezou, mal vai rematar. E disto nada teñen culpa os siareiros, que ven con estupefacción como o CD Lugo S.A.D lle da as costas.
Diante desta situación, Siareiros Lugo, e de seguro que toda a afección luguesa, esixe unha explicación sobre o acontecido. Demanda así mesmo unha rectificación na política de entradas da entidade, libre de intercambios mafiosos que non fai máis que proxectar una negativa imaxe dun clube humilde, construído dende a base e que acadou uns éxitos deportivos que se escurecen con feitos coma os acontecidos. Pola nosa parte, quédanos agardar e declarar que, de non mudar esta situación, tomaranse as medidas oportunas para facer fronte a este conflito.
Non ó futbol negocio. Por un CD Lugo da afección.
Siareiros Lugo

17 de novembro de 2013

PONFERRADINA 0- 2 CD LUGO (FOTOS)

15 de novembro de 2013

COMUNICADO

Dende as Brigadas Lucenses Siareiros do Club Deportivo lugo queríamos denunciar públicamente a desaparición de diverso material de animación do Estadio Anxo Carro. En tempadas anteriores xa sufriramos a “misteriosa desaparición” de unhas 15 bandeiras estreladas días despois do encontró de Promocion de Ascenso a segunda división que nos enfrontou ao Deportivo Alaves. Nesta tempada 2013/14 sufrimos a retirada de unha pancarta por a CNP de Lugo por motivos ainda por esclarecer xa que en ela non se emitia nengunha mensaxe que incitara a tal violencia. Na mesma tempada material da plataforma antirepresiva galega como bandeiras e bufandas foron tamen sustraídas. A gota que colmou o vaso foi o roubo en semanas pasadas da pancarta de grupo que estaba colgada na rede do Estadio coma era tradición. O roubo foi efectuado na madrugada do Domingo o Luns e foi quitada con sutileza sen danar a rede. Dende instancias do Clube deusenos tal información, queremos expresar o malestar por estes e moitos outros feitos que levamos a vivir tempada tras tempada. Non sabemos os autores nen os motivos mais temos as nosas sospeitas, sen mais queremos expresar que pese a estas e outras pedras no camino que nos segan a poñer dende o grupo seguiremos a estar co club nos bos e malos momentos coma ata o de agora nos caracterizou.
Forza Lugo. Brigadas Lucenses 2001.