CD LUGO 2-4 SD PONFERRADINA

Comezou onte o día coa churrascada de BBLL onde a partires da 1 e media da tarde, xa se tiña a carne ó lume., mentres uns privaban polos alrrededores. Ás 2 chegaban os últimos asistentes, tres membros de brigadas e dous colegas do bierzo que estiveran antes tomando algo polar rúas do casco vello.
Polo tanto empezouse a comer a partires das 2 gostábamos de criollos, hamburguesas, costelas e unhas tortillas. Cando xa tiñamos o bandullo cheo tomámoslle uns chupitos dun bo licor café ourensán. Estivemos ali privando e cantando ata as 5 da tarde que tiramos para o Anxo Carro mentras seguíamos cantando e bebendo.
Entramos ó campo e os de azul empezaron ó seu, múltiples identificacións, rexistros e insultos, cebaronse especialmente cunha rapaza, e cun rapaz novo do grupo, coma sempre tómana contra o aparentemente máis débil, con ameazas, burlas, provocacións chegáronse a escoitar frases coma “rojo de mierda” ou “galleguistas de mierda” así é o verdadeiro Estado de dereito que nos pretenden vender na que os paus sempre caen para os mesmos.
Boa animación na primeira metade a pesares de que o marcador sempre foi en contra nosa (1-4 ó finalizar a primeira metade).
Na segunda metade producíase a detención de catro persoas na nosa bancada que foron levados ata dependencias policiais. Como consecuencia disto retirouse a pancarta inmediatamente e cesou a animación algúns membros do grupo tamén abandoaron a grada. Dende Brigadas dar todo o noso apoio os detidos ós que se lles imputan tres multas de 3000 euros e unha de 30000.

BASTA XA DE REPRESIÓN! ONDE ESTÁN AS LIBERDADES?
ERGUE A TESTA PROTESTA, E DESPOIS MATA Ó LOBO

No recanto deportivo a Deportiva vence por 2-4 nun encontro onde o CD Lugo xogou totalmente desfeito e desorganizado, novo fracaso na casa que demostra a fatal planificación que se fixo nesta tempada. Tamén felicitar á afeción da Ponferradina que ó rematar o partido no que tódolos bercianos berraban ó unísono “Lugo, Lugo” que foron respostados por “Deportiva, Deportiva” por parte da afeción local, houbo moi bo rollo entre as dúas aficións durante todo o encontro, e anteriormente nas rúas da cidade.

CD LUGO 0-0 GUIJUELO

O Lugo consegueu un punto na súa visita a Guijuelo, nun partido frío disputado na noite do mércores.
Comezaba o encontro cun disparo de Ballesteros (máximo goleador da categoría) que detén Javi Muñoz que voltaba a portería despois de dous encontros. Na segunda metade o Guijuelo botábase adiante, pero o Lugo tivo varias ocasións de gol todas salvadas polo gardarredes local Escalona. No último minuto do partido produciuse unha xogada, na que os locais protestaron unha suposta man dentro da área que supuxo a vermella directa para o capitán local, Mangas.
Polo tanto remata o partido e 0-0 no marcador , este resultado coloca ao Lugo no 13° en terra de naide da clasificación a 8 puntos dos postos de ascenso e a 10 do descenso.
Para a próxima xornada esperamos a SD Ponferradina nun encontro que se disputará o domingo 29 ás 18:00 horas. Brigadas Lucenses organizará unha churrascada-barrilada na que esperamos os nosos camaradas do Bierzo que tan ben se portaron con nós no partido de ida.

ELI "ALCALDE" D.E.P

Na maña de onte recibiamos a triste noticia do falecemento de Eliseo Souto Durán Alcalde conserxe do Lugo durante máis de 20 anos. Sempre recordaremos a Eli que levaba ao Lugo no corazón e dedicou a súa vida por este equipo.

D.E.P

ASAMBLEIA CONSTITUINTE BAF LUGO

Ó redor das 21:00, tal e como se quedara, daba comezo a xuntanza que tiñamos previsto convocar para por a andar do xeito máis ilusionante posible o novo proxecto unitario do antifascismo lugués. Á esta primeira convocatoria respostou un número consecuente de lugueses e non lugueses que amosaron coa súa asistencia o compromiso que parte da sociedade da nosa cidade ten ó redor das ideas que defendemos.

A asemblea transcurriu en termos xerais sen dificultade algunha sendo comandada por dous membros da recén constituída BAF Lugo. Estas dúas persoas abordaron os diferentes puntos que estaban previstos chegando a un consenso unánime en diferentes ámbitos organizativos, culminando a reunión con varias actividades formuladas, das que agardamos ter unha realizacións nas próximas semanas.

O clima da asemblea transcurriu nun ambiente de confraternidade onde cada un aportou as súas ideas para establecer así de xeito colectivo os caminhos de actuación a seguir.

Sen máis, agradecervos a todos vós o apoio e a asistencia e convidarmos a próximas asembleas abertas que poidamos levar a cabo nas próximas semanas ou meses, dende aquí estamos satisfeitos de esta nova andaina e esperamos un longo caminho de actividades e convocatorias que dinamicen a presenza do movemento antifascista na rúa

AVANTE BAF LUGO

http://lugoantifascista.blogspot.com/

CD LUGO 3-0 ERREALA "B"

fotografía extraída da web do CD Lugo www.cdlugo.com

Vitoria por 3 goles a 0 do CD Lugo ante o filial do conxunto donostiarra no estadio Anxo Carro.
No minuto 20 da segunda parte, Germán facia o 1-0 para o equipo roxibranco, co que se chegaría ao descanso.
Nada mais empezar a segunda metade, no minuto 47, Xaime Noguerol deixaballe en bandexa o 2-0 a Losada. Mais tarde no minuto 55 subía o marcador o 3-0 final por parte do verinense Xaime Noguerol que foi o xogador clave nesta vitoria do Lugo.
Remata o encontro e 3-0 no marcador, esta vitoria coloca ao Lugo na posición 13ª a 10 puntos sobre o descenso e a 7 dos postos da fase de ascenso.
Lamentar a morte do periodista José Alonso socio do Lugo e presidente da Peña Piño Quiroga, e do pai dun brigadas e tio de outro que foi enterrado onte ás 4 e media da tarde e polo cal non tivemos moita presenza na grada ata a segunda metade.
Pola nosa banda non podemos dicir que foi un bo día, tivemos unha animación bastante irregular tirando a mala, soamente salientar os berros que lle dedicamos o segundo entrenador do Lugo, Juan Peón, que nos partidos se dedica a chamarnos borratxos e drogadictos entre outras lindezas emulando así o seu director deportivo. Lamentable o deste señor que onte se dedicou a facernos xestos despois dos berros en vez de atender ó partido, E por esto é polo que lle pagan 20.000€ traballando a media xornada??
Este mércores haberá xornada de liga ante o Guijuelo no seu feudo esperemos acadar unhos puntiños e así alonxarnos pouco a pouco do descenso que é o que nos queda.

BAF LUGO

SESTAO RIVER 3-0 CD LUGO

Derrota do Clube Deportivo Lugo por 3 goles a 0 (a máis alta a domicilio no que levamos de tempada) no campo das Llanas en Sestao ante o Sestao River.
Comezaba a tarde cun gardameta do Lugo, Javi Muñoz (que ata agora levaba disputado tódolos partidos da liga), sen poder superar as probas físicas do quecemento, polo que por fin lle chegaba a hora ao vilalbés Viusky de debutar na 2ªB.
No minuto 5 da primeira metade, o colexiado sinálalle un penalti a Yartu que fora derribado por Viusky. O penalti transformado por Basagoiti acaba en gol, e convirtese no primeiro tanto do encontro.
O conxunto sestaoarra controlaba facilmente o xogo e no minuto 21 chega o segundo gol do River por mans de Jokin tras unha xogada a balón parado.
Xa na segunda metade intentase buscar a remontada pero non se consegue, pese a varias xogadas de perigo para o Sestao protagonizadas por Mauro Poratti e Alberto García.
A 15 minutos de finalizar o encontro chega o terceiro tanto para a equipa local, Etxave gañalle a espalda aos centrais roxibrancos e pon o 3-0 no marcador tras batir a Viusky.
Finaliza o encontro e o Lugo queda a 8 puntos do descenso directo, e inda quedan por xogar nas vindeiras semanas difíciles encontros contra Ponferradina e Pontevedra. Recordemos que esta derrota é ante un equipo aparentemente inferior posto que conta con menos da metade do presuposto do Lugo, estamos acabando a temporada cun obxectivo de non ascender é do presuposto do CD Lugo(1.200.000€) 600.000 están destinados ós soldos dos xogadores (o ano pasado con un presuposto relativamente inferior loitabamos por meternos na fase de ascenso). Fatal planificación da tempada por parte do cacique-director deportivo Carlos Mouriz culpable de toda esta situación que estamos a vivir día tras día no CD Lugo.

PRESENTACIÓN DE BAF LUGO

Compañeiros/as, quedades convocados para o próximo sábado 21 co fin de xuntarnos e establecer entre todos aqueles
que poidadamos configurar as bases dun novo proxecto antifascista unitario na nosa cidade que dinamice e planifique diversas actividades que poidamos levar a cabo de xeito consensuado establecendo a forma asamblear e participativa.
Como sabedes estes últimos tempos puidemos observar como grupúsculos fascistas tales como Falange de las Jons ou UpyD deixaban nas nosas rúas a súa zafia propaganda e comezaban a ter unha presencia na nosa cidade que malia non ser alarmante si resulta preocupante porque foron quen de collernos desprevidos.
Sabemos que somos máis dos que pensamos mais sen a organización non poderemos nunca emprender un proxecto serio nunha cidade que o merece e onde non sería difícil. Así que sen máis :

CONVOCAMOSVOS A TODXS PARA ESTE SÁBADO 21 AS 20:00
NO CENTRO SOCIAL MADIA LEVA

DIFUNDE E ACUDE

BAF LUGO

CD LUGO 1-0 LEMOA

CD LUGO 1-0 LEMOA

Fotografía extraída da web do CD Lugo www.cdlugo.com

CD LUGO: Javi Muñoz, Moncho, Aira, Germán (Losada, min. 67), Manu, Pablo Ruiz, Durán, Tornero, Mauro, Noguerol (Arroyo, min.81), Sergio.
SD LEMOA: Alkalde, Gago, Fran Pérez, Alain González, Ameazaga, Guereño, Valín (Uranga, min. 70), Gusi, Alain Arroio (Cid, min. 83), Huegún (León, min. 46).

Por fin os 3 puntos quedáronse nas mans do C.D. Lugo, ante un equipo o Lemona que parecía que se conformaba co empate e dedicouse a perdelo tempo dende o primeiro minuto de xogo.
No primeiro tempo o Lugo foi superior e tivo varias oportunidades destacando a de Moncho no minuto 24 e unha de Sergio xa no minuto 36.
Mentres que na segunda metade encontrámonos con mais do mesmo o Lemona perdía o tempo e o Lugo intentaba chegar ata o gol, que chegaría posteriormente no minuto 88 por parte de Tornero que cun cabezazo, tras un centro de Rubén Durán, batía a portería defendida por Alkalde. E o partido finalizava con 1-0 a favor do C.D. Lugo.
Pola nosa parte constante animación durante todo o encontro, e xa co partido rematado seguimos 15 minutos cantando nas xa baleiras gradas do Anxo Carro.

XORNADAS DE SIAREIR@S GALEG@S EN OURENSE

PROGRAMA

SABADO 7 MARZO

13h recebimento e xantar popular no campo da feira

A partires das 20h ruta de viños e tapas polos bares colaboradores, con saída dende o Bar Escalon (rúa Murillo, O Couto)

DOMINGO 8 MARZO

11h a 12h XOGO siareir@s compos vs siareir@s ourense

12h a 14h CAMPIONATO BILLARDA, Aberto do All Stars 2009 (LNB)

14h a 16h CONCERTO SKARNIO

17h XOGO Ourense-Compostela

Dende a mañá haberá un mercado solidario com Santi e Xose

ZAMORA 2-1 CD LUGO

Zamora C.F.: Dani, Agustín, Senel, César Díaz (Koeman m. 65), Iker, Tomás (Israel m. 27), Domingo, Ibón Díez (Marcos m. 67), Javi Selvas, Curro Vacas, Limones.

C.D. Lugo: Javi Muñoz, Aira, Garmendia, Sergio, Rubén Durán, Manu, Tornero, Alex Bao (Rubén Pardo m. 72), Noguerol (Dani Cancela m. 84), Pablo Ruiz, Alberto García.

Nova derrota do CD Lugo desta vez no Ruta de la Plata de Zamora.
O Lugo tivo un xogo ofensivo, mais no once inicial atopamonos con 5 centrais, dende o inicio do partido o Lugo tivo varias chegadas perigosas a porteria do Zamora. No minuto 16 tras unha falta sacada por Limones un cabezazo de Domingo puxo ó Zamora por diante no marcador.
O Lugo buscou a meta do Zamora e encontrouna no minuto 24, Tornero triangula e ponlle un centro a Sergio que manda o balón o pao esquerdo de Dani que non pode evitar o empate. Esperemos que cando se recupere Losada, Sergio poida seguir gozando de minutos no posto que lle corresponde de dianteiro centro.
Xa co empate o Lugo foi a polo encontro pero non deu chegado ó gol por mor das magníficas intervencións do porteiro zamorán Dani.
No minuto 74 de partido Curro Vacas dalle un pase interior a Koeman que case sen angulo consegue batir ao gardarredes Javi Muñoz.

Fotografía extraída da web do CD Lugo www.cdlugo.com